- Bondering
- Er sú tenging og traust sem myndast milli manns og hunds. Því sterkara bond því betri árangur í þjálfun.
- Fígúrant
- Lifandi manneskja sem notuð er í feluleik við hundinn.
- Séður fígúrant
- Sama og Fígúrant nema hundurinn sér hann áður en hann felur sig og þá hvar. Vinna hundsins felst því ekki í að finna hann heldur vísa á hann.
- Falinn fígúrant
- Fígúrant sem felur sig og bíður þess að hundur finni sig og vísi á sig
- Dótið
- Hvaða leikfang sem er, en er notað til að verðlauna hundinn fyrir vinnu sína.
- Úthlaup
- Þegar hundi er stillt upp hjá eiganda sínum og þeir horfa saman á fígúrant hlaupa í burtu.
- Stilla upp
- Þegar hundur og eigandi stilla sér upp fyrir leit.
- Æfing
- Þegar hópur af hundum og eigendum þeirra mæta á tiltekið svæði til að æfa leitir.
- Leit
- Á einni æfingu getur hundur framkvæmt margar leitir. Hver einasta vinna er því leit.
- Taka lykt
- Hundur sem er frjáls á víðavangi og finnur skyndilega lykt af manni. Hann sýnir yfirleitt viðbragð með líkamshreyfingu. Hluti þjálfunar er að mannfólk læri að sjá þetta táknmál.
- Loftlykt
- Lykt af manneskju, eða fígúranti, sem berst með vindinum, golunni eða: í loftinu.
- Spor
- Sú slóð sem manneskja eða fígúrant hefur gengið. Stundum er nammi eða annað hvetjandi í sporinu en ekki fyrir reyndari hunda.
- Slóð
- Sama og spor.
- Sporataumur
- Sérstakur taumur oft átta til fimmtán metra langur sem hundur er í við sporavinnu. Slíkur taumur þarf að vera þannig að hann festist illa í lyngi og grjóti, sé léttur og auðvelt að meðhöndla.
- Taumur
- Klassískur taumur við hund er yfirleitt 160 til 180 sentímetra langur, oft úr nælon en einnig úr leðri.
- Svæði
- Hver einasta æfing fer fram á svæði. Æfinga- eða leitarsvæði. Bílum er lagt í jaðri svæðis, hundar viðraðir utan leitarsvæðis. Þegar hundur æfir leit er komið með hann í taum inn á svæði.
- Leiðbeinandi
- Reyndur hundaeigandi sem æft hefur lengi. Hann á hund og hefur átt hunda. Hann missir helst ekki úr æfingar og hefur sýnt frábæran árangur í þjálfun sinna hunda. Æskilegt er að hann eigi fleiri en einn hund, þ.e. að hann hafi reynslu af að þjálfa hundahóp. Hlutverk hans er að stýra æfingum, að þær fari vel fram, og miðla af reynslu sinni.
- Foringi
- Hver einasta manneskja sem á hund er foringi hundsins. Svo er ekki alltaf í augum hundsins, því ef manneskjan kann ekki hlutverk sitt getur hundurinn tekið foringjahlutverkið. Allir þáttakendur í æfingum læra þetta.
- Hundateymi
- Maður og hundurinn hans er eitt hundateymi.
- Markering
- Þegar hundur finnur lykt af fígúrant fer hann og gáir hvar hann liggur. Því næst kemur hann til foringja síns og lætur vita að maður sé fundinn með einhverri aðferð. Aðferðir eru mismunandi og þær lærast á æfingum, sumar eru æfðar burt og aðrar styrktar inn.
- Venja
- Að venja hund – með jákvæðri styrkingu – við æskilega hegðun, eða bara venja við aðstæður. Einnig að venja hund við að gera þarfir sínar úti.
Mun fleiri hugtök eru til í þessum málaflokki og munu þau bráðlega birtast hér. Þessi eru þau helstu. Gott er fyrir nýliða á æfingum að lesa þennan lista því mörg þessara hugtaka eru mikið notuð á æfingum.
