Í fyrravetur var æft á hverjum sunnudegi og miðvikudegi. Í sumar var æft í hverri viku en æfingatímar hafðir rúllandi því það hentaði svo mörgum.

Salka kann Spor, Víðavang og Teymisleit.

Nú er að komast föst mynd á æfingatímana í vetur. Fastir tímar eru á fimmtudögum kl 19:00. og má hringja í leiðbeinanda (898-1298) til að forvitnast um staðsetningu hverrar æfingar.

Ekki er ennþá kominn fastur æfingatími á helgarnar og sms listinn dugar að sinni fyrir þær.

Rétt er að minna á að símatíminn hjá leiðbeinendum er frá 24:00 til miðnættis frá sunnudegi til laugardags. Það er betra að hringja ef vandamál koma upp en að láta vandamálin vaxa.

Við hjá Hundasport mælum með eftirtöldu efni:

• The Farmers dog eftir John Holmes.
• Fjárhundurinn (íslensk þýðing á “The Farmers Dog”)
• The hidden life of dogs eftir Elizabeth Marshall-Thomas)
• Einkalíf hunda (Íslensk þýðing á “The hidden life of dogs”).
• The art of raising a puppy (The monks of New Skete)
• Myndbönd og bækur hundahvíslarans, Cesar Millan.

Íslensku þýðingarnar eru fáanlegar á bókasöfnum en hitt efnið er til á Amazon. Það er þess virði að bera saman breska Amazon og hið bandaríska. Sérstaklega varðandi bókina eftir John Holmes því hún er gömul og mest til af notuðum eintökum.

Bændasamtökin gáfu þýðingu þeirrar bókar út á sínum tíma og því miður er hún uppseld hjá þeim.

Þetta efni er allt sett fram af yfirvegun og þekkingu á eðli og sálfræði þessara dýra. John Holmes var mjög þekktur þjálfari og ræktandi á sínum tíma. Þegar bækur hans eru lesnar finnur maður fljótt að þekking hans kemur af djúpri reynslu.

Þegar þú lest efni sem greinilega er skrifað hundanna þá er í því tónn sem er minnis stæður. Sumir höfundar skrifa bækur fyrir annað fólk. Aðrir höfundar skrifa bækur svo hundum annars fólks vegni betur í lífinu.

Allt lesefni um hunda er þess virði að vera lesið. Þessi grein kemur aðeins á framfæri því sem við teljum standa uppúr.

Ábendingar eru vel þegnar í athugasemdum.

Einnig breyttist Vinnuhunda fyrirkomulagið smávegis. Aðal breytingin felst í því hvernig við metum stöðu hunda sem hefja þjálfun og hvernig við metum árangur þeirra. Til að geta gert þjálfun markvissari vinnur hver hundur í 12 vikna lotu.

Lotukerfið virkar þannig að hundur sem byrjar í reglulegri þjálfun fær vinnubók í upphafi. Leiðbeinandi metur á fyrstu æfingu hvar hundurinn er staddur, í samráði við eiganda hans. Þá er hundinum sett markmið fyrir þá lotu, aftur í samráði við eiganda. Í lok lotunnar er metið hvort hundurinn hafi náð markmiði sínu og hvar hann sé staddur og það skráð í vinnubók. Matið í lokin færist svo áfram í næstu lotu, ef eigandi heldur áfram þjálfun.

Lotkukerfi auðveldar eigendum hunda að meta hvar þeir eru staddir í þjálfun. Þá er betra fyrir leiðbeinendur að fylgjast með þroska hundsins því hver æfing er skráð í vinnubókina. Í lok lotunnar fær hundurinn viðurkennignarskjal með viðeigandi upplýsingum.

Þetta auðveldar eiganda enn fremur að meta sjálfur hvar hann er staddur í vinnuþjálfun og gefur fastari ramma fyrir alla þjálfun. Með þessari breytingu bættist örlítill kostnaður á æfingar sem stillt er í hóf eins og hægt er.

 Ertu of fullorðinn til að fara í feluleik? Þjálfun leitarhunds er svipað feluleik. Hundur sem klárað hefur tvær til þrjár lotur finnur alltaf týnda manninn.