Núna í vetrarbyrjun bættist við Helgarnámskeið II í flóruna hjá okkur. Þetta er gert til að geta boðið nemendum af Helgarnámskeið I upp á fleira – enda oft sem fólk vill halda áfram á skemmtilegu námskeiði.
Einnig breyttist Vinnuhunda fyrirkomulagið smávegis. Aðal breytingin felst í því hvernig við metum stöðu hunda sem hefja þjálfun og hvernig við metum árangur þeirra. Til að geta gert þjálfun markvissari vinnur hver hundur í 12 vikna lotu.
Lotukerfið virkar þannig að hundur sem byrjar í reglulegri þjálfun fær vinnubók í upphafi. Leiðbeinandi metur á fyrstu æfingu hvar hundurinn er staddur, í samráði við eiganda hans. Þá er hundinum sett markmið fyrir þá lotu, aftur í samráði við eiganda. Í lok lotunnar er metið hvort hundurinn hafi náð markmiði sínu og hvar hann sé staddur og það skráð í vinnubók. Matið í lokin færist svo áfram í næstu lotu, ef eigandi heldur áfram þjálfun.
Lotkukerfi auðveldar eigendum hunda að meta hvar þeir eru staddir í þjálfun. Þá er betra fyrir leiðbeinendur að fylgjast með þroska hundsins því hver æfing er skráð í vinnubókina. Í lok lotunnar fær hundurinn viðurkennignarskjal með viðeigandi upplýsingum.
Þetta auðveldar eiganda enn fremur að meta sjálfur hvar hann er staddur í vinnuþjálfun og gefur fastari ramma fyrir alla þjálfun. Með þessari breytingu bættist örlítill kostnaður á æfingar sem stillt er í hóf eins og hægt er.
Ertu of fullorðinn til að fara í feluleik? Þjálfun leitarhunds er svipað feluleik. Hundur sem klárað hefur tvær til þrjár lotur finnur alltaf týnda manninn.
